अर्घाखाँची : अर्घाखाँचीको पणेनामा पहिरोमा पुरिएर घाइते भएका तीनजना बालबालिकाको मृत्यु भएको छ। पहिरोमा पुरिएर घाइते भएका ४ बालबालिकामध्ये तीनजनाको मृत्यु भएको हो।
पाणिनि १ पणेनाको गोहनपानीमा मंगलबार बिहान घरमाथिबाट खसेको पहिरोमा परी घाइते भएका तीनै बालबालिकाको मृत्यु भएको पाणिनि गाउँपालिकाका निवर्तमान अध्यक्ष अच्युत गौतले पुष्टि गर्नुभयाे ।
मृत्यु हुनेमा ११ वर्षीया अन्जु रास्कोटी, १० वर्षीय धनबहादुर रास्कोटी र १२ वर्षीय खुमबहादुर रास्कोटी रहेको गौतमले जानकारी दिनुभयाे। घाइते बालबालिकालाई उपचारका लागि पोखराथोक स्वास्थ्य चौकीमा पठाएको थियो।
पहिरोमा च्यापिएका ३ जनाको अचेत अवस्थामा र एकको सकुशल उद्दार गरिएको थियो। १४ वर्षीय सचिन रास्कोटीको सकुशल उद्धार गरी उपचारका लागि पाल्पा पठाइएको छ।
अन्नपुर्णपोष्टबाट साभार
