महेश थापा
नौबहिनी । नौबहिनी गाउँपालिका-१ स्याउलिवाङका एक ब्यक्तिलाई घरमै नागरिकताको प्रमाणपत्र उपलब्ध गराईएको छ ।
२५ वर्षीय प्रकाश मल्ललाई गाउँपालिकाको समन्वय र जिल्ला प्रशासन कार्यालय प्युठानको सहजिकरणमा नागरिकता दिइएको समाजसेवी शेर बहादुर शेनले जानकारी दिनुभयो ।
मल्ल ०७० साल माघ १८ गते माटोको ढिस्कोले पुरिएर अपांग हुनुभएको छ । क श्रेणीको अपांगता भत्ता पाउदै आएका मल्लको १७ महिनादेखि भत्ता रोकिएपछि नागरिकता बनाएको सेनले जानकारी दिनुभयो ।
