शमसेर विक्रम जिसी
प्यूठान — पशुचौपायामा देखिएको लम्पी स्किन रोग नियन्त्रणका लागि प्यूठानमा खोप दिन सुरु गरिएको छ । एकीकृत कृषि तथा पशुपक्षि विकास कार्यालय प्यूठानले पहिलो चरणमा व्यावसायिक पशुपालन गरेका कृषकको फर्ममै पुगेर लम्फी स्किन रोग बिरुद्धको खोप दिन सुरु गरेको एकिकृत कृषि तथा पशुपक्षि विकास कार्यालय प्यूठानका प्रमुख भाष्कर पौडेलले बताउनुभयाे।
व्यावसायिक पशुपालन गरेका तथा स्वर्गद्वारी आश्रममा रहेको गाईहरुका लागि खोप दिन थालिएको छ । २६ सय डोज खोप प्यूठानमा आएको छ । पहिलो चरणमा पशु फर्म र त्यसपछि कृषकका घरघरमा पुगेर खोप दिन सुरु गरिने प्रमुख पौडेलले बताउनुभयाे।
लम्पी स्किन रोगका कारण जिल्लामा हालसम्म ३० हजार बढी पशुचौपाया बिरामी परेका छन् । त्यसमध्ये ७ सय २९ वटा गाईगोरु मरेको कार्यालयको तथ्याकंमा छ । अहिले पनि जिल्लामा ११ हजार बढी पशु चौपायामा यो रोगको संक्रमण भएको छ ।
