प्युठान १४ श्रावण । बर्षातको समयमा ग्रामिण सडकहरु ठाउँठाउँमा भत्किएर अबरुद्ध भएका छन् । सबै ठाउँ स्थानिय तहले अबरुद्ध भएका मोटरबटो मर्मत गर्न जेसिबी भनेको बेला पठाउन नसक्ने भएपछि गाउँका जनता सँग जनप्रतिनिधि आफै खटेर मोटरबाटाहरुमा श्रमदान गर्दैछन् । प्यूठान नगरपालिका ६ लम्च्याङ्ग,खोलिगाउ, लुप्लुङ्ग सडकखण्ड घाय नजिकै सडकको माथिबाट आएको पहिरोले सडक अवरुद्घ भएपछि वडा अध्यक्ष नरेन्द्र पुन(एन पि मगर) जनतासँगै दिनैभर स्थानीयवासी सँग श्रमदानमा जुटनुभयाे । उहाँ सँग वडाका अन्य सदस्यहरु पनि खटिनुभयाे। यसरी काम गर्दा स्थानिय जनता पनि उत्साहित भएका छन् । शनिबार वडा अध्यक्ष पुनको नेतृत्व सहित जनतासँगै श्रम गरेर सडकको पहिरो फाल्ने काम भएको स्थानिय गिरु प्रसाद भण्डारीले बताउनुभयाे। सड्क मर्मतका लागि तत्काल वडामा प्रयाप्त बजेट नभएकाे सबै काममा बजेटनै चाहिन्छ भन्ने साेचलाइ अन्त्य गर्न आवश्यक रहेकाे वडा अध्यक्ष पुनले बताउनुभयाे । उहाँले भन्नुभयाे,सामाजिक काममा सबैको योगदान आबश्यक छ । बिकास निर्माणमा जनताले हाम्रो पनि योगदान आवस्यक हुन्छ भन्ने धारणा राख्नु पर्छ र बझ्नु पर्छ ।´ जनश्रमदान अभियान हप्तामा १ दिन गर्ने वडाको निर्णय भएको अध्यक्ष पुनले बताउनुभयाे । उहाँले भन्नुभयाे,`अभियान सफल पार्न स्थानीय संगै जनप्रतिनिधी काममा खटेको हौँ ।´ जनप्रतिनिधि जनताको सेवा गर्न निर्बाचित भएकोले जनता सँगै हुँनु पर्ने बताउनुभयाे ।
`व्यक्तिगत कामलाई भन्दा बढी महत्व हामीले जनताको कामलाई दिनुपर्छ ।” वडा सदस्य दुर्गा पुनले भन्नुभयाे । अध्यक्ष पुन प्युठान नगरपालिका वडा नम्बर -६ नेपाली काङ्ग्रेस बाट अध्यक्षमा निर्वाचित हुनुभएका जनप्रतिनिधि हुनुहुन्छ। सरल जीवनशैली, नम्र स्वभाव, मिलनसार र हरेक काममा सहकार्य गर्न उत्साहित हुने र युवा वडा अध्यक्ष पाउँदा खुसी लागेको पुर्ब वडा सदस्य मधा भण्डारीले बताउनुभयाे। वडा अध्यक्ष लगायत सबै जनप्रतिनिधि आफ्नो घरको काम छाडेर वडाको विकासमा खटिनुभएकाे छ। “अहिले नेपाली जनताको अपेक्षा पनि यही रहेको छ।आफूले मत दिएर जिताएका जनप्रतिनिधि गाउँको विकास कार्यमा जनता सँग सँगै खटिएको देख्दा आफूलाई हौसला बढेको स्थानिय गिरीराज खनालले बताउनुभयाे । प्युठान नगरपालिकाको १० वटा वडा मध्य ६ नम्बर वडालाई अलि पिछडिएको वडा हो । सडक सञ्जालले ६ तिरबाट जोडिएपनि प्रमुख प्रशासकिय कार्यालय सँगको मुख्य पहुँचको रुपमा टिकुरी गुरुङगाउँ माझकोट सडक मुख्य सडकको रुपमा रहेकोछ । खासगरी प्यूठान न पा ४,५, ७,८ गरि ६ वटा रुटबाट माझकोट सडकको पहुँचमा छ । तर बर्षायाम सुरु भयो भने जताततै पहिरोले सडक अवरुद्ध हुने समस्या छ । अरु वडाहरु भन्दा भौगोलिक रुपले सानो वडा भएपनि विकासका दृष्टिकोणले पछाडी परेको वडाअध्यक्ष पुनको भनाई छ ।
