प्युठान, २९ साउन ।
स्वर्गद्धारी नगरपालिकाको लामाचौर कच्छारमा सर्पदशं उपचार केन्द्र सञ्चालन गर्ने बिषयमा सरोकारवालाहरुको छलफल आज खलंगामा सम्पन्न भएको छ । स्वर्गद्धारी सर्पदंश उपचार केन्द्र सञ्चालन तथा ब्यवस्थापन कार्यबिधि सम्वन्धी अन्तरकृया सम्पन्न भएको हो । जिल्लाका स्थानिय तह र अन्य सरोकारवाला निकायको पहलमा सञ्चालन हुन लागेको केन्द्रको सञ्चालन, ब्यवस्थापन र अन्य बिषयमा छलफल सम्पन्न भएको हो ।
जिल्ला समन्वय समिती प्यूठानका प्रमुख धरम बहादुर जि.सी.को अध्यक्षतामा सम्पनन कार्यक्रममा केन्द्रको सञ्चालन र ब्यवस्थापन लगाएत बिषयमा छलफल भएको थियो । साथै कार्यक्रमले सर्पदंश उपचार केन्द्रको कार्यबिधी पारित समेत गरेको स्वर्गद्धारी नगरपालिकाका मेयर टेकप्रसाद भण्डारीले जानकारी दिनुभयो । सर्पदंश उपचार केन्द्र सञ्चालनका लागी आबश्यक भौत्तिक संरचना, जनशक्ति, लगाएतको ब्यवस्थापन भैसकेकाले केही समयमै केन्द्र सञ्चालनमा आउने उहाले जानकारी दिनुभयो । केहि कामहरु बाकी रहेकाले ति काम सकेर अबको एक डेढ महिनामै केन्द्रको उद्घाटन गरिने समेत जानकारी दिनुभयो ।
जिल्लामा सर्पदंश उपचार केन्द्र नहुदा सर्पले टोकेका बिरामीलाई गोरुसिंगे तथा नेपालगञ्ज पुर्याउनुपर्ने बाध्यता थियो । जिल्लामै केन्द्र सञ्चालन भए प्यूठानसंगै रोल्पा, अर्घाखाची तथा गुल्मीको केहि भागका नागरीकले सेवा लिन पाउने छन् ।
