प्युठान ,३ भदौ ।
‘म आज मन्त्री भएर तपाईहरुको अगाडि वोल्दैछु। तर, मैले जतिवेला राजनीतिमा लाग्न थालेकि थिएँ, त्यतिवेलाकै अवस्था र व्यवस्था भईरहेकै हुन्थ्योभने म जस्ता मान्छेहरु मन्त्री हुदैनथ्यौं। नगरपालिकाका मेयर यहिँ हुनुहुन्छ, गाउँपालिकाका अध्यक्ष हुनुहुन्छ, विभिन्न तहका जनप्रतिनिधी हुनुहुन्छ हामी सवै जनताका छोराछोरी हौं। पुरानै व्यवस्था हुन्थ्योभने हामी कोहि पनि सरकारमा हुने थिएनौँ।म पनि तपाईहरुजस्तै गाउँको सरकारी स्कुलमा पढेकी मान्छे हुँ। तपाईहरु त पोसाकसहित उपस्थित हुनुहुन्छ हामी पढ्न जाँदा न विध्यालय पोशाक थियो नत चप्पल नै!’
आफ्ना अगाडि वसिरहेका विध्यार्थीहरुमाझ माईक छोपोेर वोलिरहनुभएकी सञ्चार तथा सूचना प्रविधी मन्त्री एवं नेपाल सरकारकी प्रवक्ता रेखा शर्माले जब आफ्ना वाल्यकालका दिनहरु संझिनुभयो तब, बिध्यालयका वालवालिकाले मन्त्री वनेका मान्छेको विगत चासोपुर्वक सुने। मन्त्री शर्माले भनेका यी शव्दहरुलाई सुन्न नसक्ने (बहिरा) विध्यार्थिहरुलाई सांकेतिक भाषामा शिक्षक धनेश्वर पोख्रेलले मञ्चकै एक छेउँमा उभिएर उल्था गरिरहनुभएको थियो ।
अगाडि विध्यार्थी र मञ्चमा अथितीले चासोपुर्वक सुनिरहदा सञ्चारमन्त्री शर्माले भन्नुभयो- ‘हामिले विकास भनेर भौतिक निर्माणलाई मात्र वुझ्नु हुदैन। हार्डवेयर र सफ्टवेयरको विकासलाई अलग अलग रुपमा हेर्नुपर्छ। हार्डवेयर भौतिक विषय हो भने सफ्टवेयर हाम्रो मस्तिस्कसंग सम्वन्धित विषय हो वा चेतनाको विकास हो। दुर्गममा पढेर पनि हामिले अन्तराष्ट्रिय स्तरमा प्रतिष्पर्धा गर्न सक्छौं। त्यसका लागि हाम्रो शिक्षाको गुणस्तर राम्रो हुनुपर्छ ।’
आईतवार भुवनेश्वरी मा.वि. प्यूठान नगरपालिका १ खैरामा रहेको बहिरा (विशेष शिक्षा) आवासिय भवन उद्घाटन कार्यक्रम आयोजना गरिएको थियो। १९ जना श्रवण समस्या भएका विध्यार्थिहरुले आवासिय रुपमा सांकेतिक भाषामा पढ्ने उक्त विध्यालय बहिरा विध्यार्थीले पढ्ने जिल्लाको एकमात्र विध्यालय हो। ४० लाख प्रदेश सरकारवाट र ७ लाख ८ हजार ३ सय ३२ स्थानीय जनसहभागितामा वनेको भवनले सुन्ने क्षेमता सम्वन्धी अपाङ्गता भएका वालवालिकाको पठनपाठनमा सहयोग पुर्याएको छ। मन्त्री शर्माले रिवन काटेर उक्त भवनको उद्घाटन गर्नुभएको हो ।
विध्यार्थीका अभिभावकहरु पनि कार्यक्रममा सहभागी थिए। जब नेपालमा घरमै वसेर सुचना प्रविधिमा काम गर्नेहरुले ६७ अर्व रकम भित्राएको प्रसंग सुरु गर्नुभयो गाउका अभिभावकले पनि उत्सुक भएर सुनिरहे। मन्त्री शर्माले भन्नुभयो,नेपालमा यौटा संस्था छ आईआईभिएस (ईन्स्टिच्युट फर ईन्टिग्रेटेड डेभलपमेन्ट स्टडिज) भन्ने। त्यो संस्थाले यौटा सर्वेक्षण गरेको छ। नेपालमा सुचना प्रविधिको क्षेत्रमा काम गर्ने ६६ हजार तपाईहरु जस्तै युवा विध्यार्थीले विदेशवाट ६७ अर्व रकम भित्राएका छन्। यो आफ्नै ठाँउमा वसेर नेपालिहरुले आफ्नो सेवा विदेशमा वेचेर कमाएको पैसा हो। हामिले अब मान्छे विदेश पठाउने वाध्यतावाट बिस्तारै सुचना-प्रविधीको सेवा वेच्नसक्ने जनशक्ति उत्पादन गर्नुपर्छ। गाउँमा हुर्केको, सामुदायिक विध्यालयमा पढेको र फरक क्षेमता भएको विध्यार्थिले पनि सुचना प्रविधिको क्षेत्रमा प्रतिष्पर्धा गर्न सक्छन्।’
