सेवा विस्तार गर्दै प्युठान अस्पताल

प्युठान ।प्युठान जिल्ला अस्पतालले बिशेषज्ञसहितका डाक्टरहरु बढाउदै लगेको छ। बिगतमा दक्ष जनशक्तिको अभाव झेलेको अस्पतालमा अहिले ७ बिशेषज्ञसहित १४ जना डाक्टर सेवाका लागि उपलब्ध छन्।
अस्पतालले महिला तथा स्त्रीरोग विशेषज्ञ, बालरोग विशेषज्ञ, छातिरोग विशेषज्ञ, एनेस्थेसियोलोजिस्ट हाडजोर्नी तथा नशा रोग र मेडिकल अधिकृत सहितका ६ जना झिकाएर बिरामीहरुको उपचार सेवा सुबिधाको स्तरमा सुधार ल्याएको हो ।यसअघि जिल्ला अस्पतालमा दुईजना कन्सल्टेण्ट डाक्टर कार्यरत थिए ।
अस्पतालका ब्यवस्थापक राजन घिमिरेले अहिले अस्पतालको अवस्थामा उल्लेख्य सुधार आएको बताउनुभयो। उहाले बिशेषज्ञ चिकित्सक थपिएसंगै समस्या लिएर टाढा टाढाबाट आउने विरामीहरुलाई अन्यत्र अस्पतालमा रेफर गर्नुपर्ने बाध्यताको अन्त्य भएको सुनाउनुभयो ।
अस्पतालमा प्रयोगशाला, एक्सरे र फार्मेसीलाई २४ घन्टे सेवा दिने गरिएको छ। अस्पतालबाट अहिले आईसियुसहित स्त्री तथा प्रसुति रोग, हाडजोर्नी ,बालरोग, मानसिक रोग जर्नल सर्जरी, इन्टरनल मेडिसिन तथा दन्त रोग विशेषज्ञ सेवा लगायतका सेवाहरु संचालन भईरहेको छ।
अस्पतालका निमित्त मेडिकल सुपरिटेन्डेन्ट डा। प्रमिला खनालले अस्पतालमा ५१ बेड संचालनमा रहेको बताउदै भवनको टेण्डर अघि बढेको जानकारी दिनुभयो।
अस्पतालले छात्रवृत्तिका चिकित्सककै भरमा सेवा प्रवाह गरिरहेको छ । उनिहरु कै भरमा सामान्य अप्रेशन, ओपीडी लगायत सेवा दिने गरेको छ। निक साइमन्स इन्स्टिच्युटले एमजीपी, मेडिकल अधिकृत लगायत जनशक्ति करारमा व्यवस्था गरिदिएको छ । सरकारले दरबन्दी राख्न सकेको छैन ।
प्यूठान अस्पतालको बृद्धिविकासका लागि निकसाईमन्सले विगत १२ बर्ष देखी काम गर्दै आएको इन्ष्टिच्यूटका सिनियर कार्यक्रम म्यानेजर डा। कासिम शाहले जानकारी दिनुभयो।उहाले भन्नुभयो,निकसाईमन अस्पतालको सहयोगका लागि सधै तयार छ।