भदौ १२ ,प्युठान।ऐरावती गाँउपालिका ५ बस्ने हुम बहादुर गाईनले ५९ वर्षको उमेरमा सोमबार नेपाली नागरिकता पाउनुभएको छ ।जिल्ला प्रशासन कार्यालय प्युठानबाट बुढेसकालमा नागरिकता पाउँदा उहाँ निकै खुसी हुनुभएको छ।
आफूलाई पहिला नागरिकताको महत्व थाहा नभएको पछी थाहा भएपछि बल्ल अहिले नागरिकता बनाएको हुम बहादुर गाईनले बताउनुभयो । उहाँले भन्नुभयो, ‘नागरिकता नभएरै अहिलेसम्म सबै सेवा सुबिधा बाट उपभोग गर्न,कठिनाइ भएको थियो, अब भने नेपाल सरकारको सेवा उपभोग गर्न पाइने भयो’ खुसि हुँदै उहाँले भन्नुभयो।
उता ऐरावती गाउँपालिकाका वडा अध्यक्ष चन्द्र बहादुर रोका मगरले हुम बहादुर गाईनले नागरिकता पाएपछी खुसी भएको बताउनुभयो । उहाँ सामाजिक संजाल फेसबुकमा लेख्दै,आज मलाई धेरै खुसी र सन्तुष्ट भएको अनुभूति गरेको छु, वडा अध्यक्ष भएको मा आफुलाई गर्व महसुस गरेको बताउनुभएको छ । अब हुम बहादुर गाईन र उहाको श्रीमतीको बिबाह दर्ता गरि श्रीमती र उहाँहरुको कोखबाट जन्मेका सन्तानको नागरिकाता बनाउने प्रायासमा छौं अध्यक्ष रोकाले भन्नुभयो।यस भन्दा अघि सोहि वडाका सिदुरे डाडा निवासी साङ्ले गाइन ४१ वर्ष पछी नेपाली नागरिकता पाउनुभएको थियो ।
