प्युठान,१९ भदौ ।
ऐरावती गाउँपालिका स्वास्थ्य सुचकका आधारमा प्यूठान जिल्ला प्रथम भएको छ । स्वास्थ्य कार्यालय प्यूठानको सोमबार र मंगलवार दुईदिन चलेको बार्षिक प्रगति शमिक्षा कार्यक्रममा ऐरावती गाउँपालिका प्रथम भएको हो । आर्थिक वर्ष ०७९/०८० मा सम्पादित स्वास्थ्य कार्यक्रमहरुको बार्षिक प्रगतिको आधारमा कार्यालयले तह तोक्ने गर्दछ।
गाउँपालिकामा नियमित खोप, पोषणको अवस्था, परिवार नियोजनाको अवस्था तथा संस्थागत सुत्केरी लगाएत बिभिन्न महत्वपुर्ण सुचकलाई आधार मान्ने गरिएको छ ।सुचकका आधारमा मल्लरानी गाउँपालिका दोश्रो तथा गौमुखी गाउँपालिका तेस्रो भए । जिल्ला समन्वय समिती प्रमुख धरम बहादुर जि.सीको प्रमुख आतिथ्यतामा भएको कार्यक्रममा प्रमुख जिल्ला अधिकारी मदन कोईराला, तथ्यांक अधिकृत डोर बहादुर बस्नेत लगाएतको उपस्थिती रहेको थियो । प्यूठान अस्पताल, जिल्ला आयुर्बेद स्वास्थ्य केन्द्र, स्थानिय तहका स्वास्थ्य शाखाको उपस्थितीमा कार्यक्रम सम्पन्न भएको स्वास्थ्य कार्यालय प्यूठानका कोल्डचेन अधिकृत कौशलराज बैद्यले जानकारी दिनुभयो ।
समिक्षा कार्यक्रममा स्वास्थ्य संस्थातर्फ भने देबिस्थान स्वास्थ्य चौकी माण्डवी गाउँपालिका प्रथम, धरमपानी स्वास्थ्य चौकी मल्लरानी गा.पा. द्धितिय र सापडाडा स्वास्थ्य चौकी प्यूठान नगरपालिका तृतिय भएको बैद्यले जानकारी दिनुभयो ।
