प्युठान ,२५ भदौ ।
नेपाली कांग्रेसबाट निर्बाचित जनप्रतिनिधिलाई जनताको जनजीविका बिषयमा गम्भीर भएर लाग्न नेताहरुले सुझाव दिनुभएको छ ।
१ सय १० औ बि.पि. जयन्तिका अबसरमा पाटी र निर्बाचित जनप्रतिनिधि बिचको अन्तरकृया कार्यक्रममा सहभागी कार्यकर्ता तथा नेताहरुले जनप्रतिनिधिहरु जनताको भावना अनुसार नचलेको भन्दै गुनासो गर्नुभएको छ । सोमबार प्यूठान नगरपालिका ७ स्थित बहुउद्देशिय भवनमा कार्यक्रममा सम्पन्न भएको हो । कार्यक्रममा नेपाली कांग्रेस लुम्बिनी प्रदेश सह महामन्त्री तथा प्रदे सांसद निमा गिरी, नेपाली कांग्रेस प्रदेश सदस्य तथा पुर्व जिल्ला सभापति शुवास केसी र अमर भण्डारी, प्रदेश सांसद धनलक्ष्मी श्रेष्ठ, भातृ तथा सुवेच्छुक संगठनका नेता लगायतले बी.पि.को बिचार र आदर्शबारे प्रष्ट पार्दै जनप्रतिनिधिहरुलाई जनताको भावनाअनुसार काम गर्न आग्रह गरेकाछन् ।
कांग्रेसकी प्रदेश सहमहामन्त्री एवम प्रदेश सांसद निमा गिरीले बिपिकाे समाजबाद अनुरुप नागरिकलाई उत्पादन सङ्ग जाेड्ने बताउनुभयो । उहाले भन्नुभयो,`अब प्यूठानमा एकल महिलाकाे तथ्याङ्क सङ्कल गराइ उहाहरुलाइ पहिलो चरणमा आयआर्जनका कृयाकलापमा जाेड्नु पर्छ । संसद नीति निर्माण गर्ने थलाे हो । अहिले म कानुन समितिमा भएकोले प्रदेशमा पहिलाे पटक निजामती ऐन पास गराउन लागि परेँ ।´
काङ्ग्रेस प्यूठान सभापति बिष्णुकुमार गिरीले कार्यक्रमकाे बिषय प्रबेश गराउदै सम्पुर्ण जनप्रतिनिधिहरु जनताका जनजिबिकाका बिषयमा लाग्न निर्देशन दिएकाछन् ।
