प्युठान,२७भदौ ।
बढ्दो प्रबिधीको प्रयोगसंगै सञ्चारको पहुँचमा प्रहरीले जोड दिनुपर्ने प्यूठानका प्रहरी प्रमुख प्रहरी नायव उपरीक्षक ईश्वर थापाले बताउनु भएको छ । जिल्ला प्रहरी कार्यालय प्यूठानमा बुधवार भएको पत्रकार भेटघाट कार्यक्रमलाई सम्बोधन गर्दै उहाले ग्रामिण क्षेत्रमा प्रहरीलाई प्रविधीमैत्री बनाएर अपराध न्यूनिकरणमा लगाउनु पर्ने बताउनु भयो ।
जिल्लाका सबै स्थानमा प्रहरीको पहुँच समान नहुने भन्दै त्यस्ता क्षेत्रका नागरीकको समस्या समाधान गर्न प्रहरीलाई समय अनुसार परिवर्तन गर्नुपर्ने र प्रबिधीमैत्री बनाउनुपर्ने बताउनु भयको हो ।
सहज यातायातको ब्यवस्था नभएको अवस्थामा नागरीक समाज, प्रहरी प्रशासन र पत्रकारको भुमिका समाज सुधारमा हातेमालोको खाचो रहेको औल्याउनु भयो । जिल्ला प्रहरी कार्यालय प्युठानको प्रहरी प्रमुखको रुपमा जिम्बेबारी सम्हाल्न आउनु भएका थापाले जिल्लामा शान्ती सुब्यवस्था कायम गर्नु आफ्नो पहिलो कर्तब्य रहने बताउनु भयो ।
भेटघाट कार्यक्रममा जिल्लाका पत्रकारहरुले यहाँको ट्राफिक ब्यवस्थापन, प्रहरीको भुमिका चुस्तदुरुस्त बनाउनुपर्ने र चाडपर्वको समयमा हुने घटनालाई बिशेष ध्यान दिन आग्रह गरेका छन् ।
