प्युठान,३ असार । प्युठानको सरुमारानी गाउँपालिकालाई पूर्ण खोप सुनिश्चितता पालिका घोषणा गरिएको छ । जिल्ला समन्वय समिती प्युठानका प्रमुख धरम जिसिले विहिवार सरुमारानीलाई पूर्ण खोप सुनिश्चितता भएको पालिका घोषणा गर्नुभयो ।
पालिका भित्रका ६ ओटै वडाका खोप लगाउने उमेर समूहका बालबालिकाले खोप लगाएको सुनिश्चित गरिएपछि पूर्ण खोप घोषणा दिगोपना तथा सुनिश्चित पालिका घोषणा गरिएको पालिकाका स्वास्थ्य शाखा प्रमुख टेकेन्द्र रायमाझीले जानकारी दिनुभयो ।
उहाका अनुसार पालिकामा जन्मेदेखी १५ महिना सम्मका कुल ४ सय १६ जना र स्वास्थ्यकर्मीहरुले घरमा पुगेर सर्वेक्षण गर्दा १६ देखि ५९ महिनासम्मका १ हजार १४६ जना बालबालिकाले खोप लगाएको पाईएको छ ।
जन्मिएको १५ महिनाभित्र ७ पटकसम्म विभिन्न १३ प्रकारका खोप बालबालिकालाई लगाएपछि मात्र खोपको मात्र पूरा हुने बताइएको छ ।
गाउँपालिकाका अध्यक्ष झगवहादुर बिश्वकर्माले सबैको सहयोगले नै सरुमारानीलाई पूर्ण खोप सुनिश्चितता भएको पालिका घोषणा गर्न सफल भएको बताउनुभयो।
पालिकाले ३ वटै स्वास्थ्य चौकीमा ल्याव सेवा र बाङ्गेसाल स्वास्थय चौकीमा चिकित्सकिय सेवा संचालनमा ल्याएको छ।
पालिकाभित्र ३ वटा स्वास्थ्य चौकी र ३ वटा सामुदायिक स्वास्थ्य इकाइ छन्।
