प्युठान ।जिबन हमाल
नेपाल मगर बुद्व सेवा समाज अध्यक्ष तिलक बुढा मगरले बुद्धको प्रेरणादायी उपदेश र मार्गदर्शनको परिपालना गर्न सके राष्ट्रिय एकतालाई थप सुदृढ एवं सबल बनाउन सकिने विश्वास व्यक्त गरेका छन् ।
बिहीबार २५६८औँ बुद्ध जयन्तीको शुभकामना सन्देश दिँदै उनले शान्तिका दूत बुद्धका प्रेरणादायी उपदेश र मार्गदर्शनको परिपालन गर्न सकेमा धार्मिक, सामाजिक तथा सांस्कृतिक विविधताबिच सहिष्णुता र आपसी सद्भाव कायम गर्दै राष्ट्रिय एकतालाई थप सुदृढ एवम् सबल बनाउन सकिने विश्वास बुढाको भनाइ रहेको थियो ।
कार्यक्रममा अन्तर्राष्ट्रिय बुद्ध परेयती उदय विहार बाटा उपस्थित भिक्षु ओभासो र भिक्षु मुनिन्द कार्यक्रममा बोल्दै शान्तिका प्रतीकका रूपमा सम्मान गरिने महामानव गौतम बुद्धको जन्मभूमि नेपाल हुनु हामी सबै नेपालीहरूका लागि गौरवको विषय हो’ उनले भनेका छन् । गौतम बुद्धका कालजयी उपदेश र मार्गदर्शनलाई आत्मसात् गर्दै हरेक व्यक्ति, समाज र विश्व समुदायबिच शान्ति, सहअस्तित्व, सहिष्णुता र पारस्परिक सम्मान थप सुदृढ गर्दै लैजाने अभियानमा लाग्न विश्वका सम्पूर्ण मानवलाई प्रेरणा मिलोस् भन्ने शुभकामना पनि भिक्षुले व्यक्त गरेका छन् ।
वैशाख शुक्ल पक्षको पूर्णिमा तिथिको दिन गौतम बुद्धको त्रिसंयोग अर्थात् जन्म, ज्ञान प्राप्ति र महानिर्वाण एकै दिन परेकाले आजको तिथिलाई विश्वभरका बौद्ध धर्मावलम्बीहरूद्बारा गौतम बुद्धप्रति अत्यन्त श्रद्धा एवम् भक्ति भाव व्यक्त गर्ने पावन दिनमा हामीले पनि पहिलो पटक प्युठानमा एक कार्यक्रमको आयोजना गर्दै बुद्ध जयन्ती मनाउने गरिएको जिल्ला कार्य समिति प्युठानका सचिवले तारा सिं थापाले जानकारी दिनु भएको थियोे ।
साथै महा-मानव बुद्व विहार पिपरा कपिलवस्तु बाट शिखामा लिसरा राउ मगर विभिन्न स्थानबाट समाजसेवी बुद्धिजीवी पत्रकार लगाएत धेरै भक्तजनको उपस्थित रहेको थियोे ।
