जीवन हमाल प्युठान भदौ २८
काठमाडौमा आमाको उपचार गरि रुकुम पूर्व फर्किने कर्ममा मध्य पहाडी लोकमार्ग अन्तर्गत बाग्लुङ जिल्लाको गल्कोट नगर पालिका वडा न. २ भुखानीमा जिप दुर्घटनामा परेर पूर्वी रूकुमको पुथा उत्तरगङ्गा गाउँपालिकाकी उपाध्यक्ष ३३ वर्षीया भुपेन्द्रा बुढामगरको मृत्यु भएको छ। शुक्रबार बिहान भएको दुर्घटनामा उनकी आमा ६१ वर्षीया गोपीमाया बुढामगर र वडा नम्बर २ का अध्यक्ष जसबहादुर श्रीपालीको पनि मृत्यु भएको छ ।
दुर्घटनामा जिप चालक भूमे गाउँपालिका वडा नम्बर ३ का प्रेम पुनमगर घाइते भएका छन्। काठमाडौंबाट फर्कदै गरेका उनीहरू सवार जिप बागलुङमा दुर्घटनामा परेको हो।
उपाध्यक्ष बुढा मगर राजनीतिक अलावा सामाजिक संघ संस्थामा पनि कृयाशिल थिए । मगर हरुको साझा संगठन नेपाल मगर युवा संघ केन्द्रीय समितिको बरिस्ठ उपाध्यक्ष समेत रहेका बुढामगर २०७९ को चुनावमा नेकपा (माओवादी केन्द्र) बाट उम्मेदवार भई निर्वाचित भएका थिए।
eSewa द्वारा आयोजित नेपाली महिला जनप्रतिनिधिहरुको सु-कर्मलाई संचार गर्ने अभियान अन्तर्गत She Leads Icon ले नेपालभरका १४० महिला जनप्रतिनिधिहरु मध्ये टप २७ मा छनौट भएका थिए । उनले आफ्नो फेसबुक स्टाटस मार्फत टप ३ मा पर्नकोलागी मत समेत मागेकि थिइन ।
जिप दुर्घटनाका घाइते चालक प्रेमको पनि अवस्था गम्भीर रहेको छ। उनको धौलागिरि अस्पतालमा उपचार भइरहेको प्रहरीले जनाएको छ। उनलाई थप उपचारका लागि काठमाडौं लैजाने तयारी छ।
