बिबता रिजाल
प्युठान,१५ असार ।
स्वर्गद्धारी नगरपालिका ३ जलुके स्थित लोक चेतना एकेडेमीमा शिक्षक अभिभावक संघ पुनर्गठन भएको छ । शुुक्रबार टिकाराम भण्डारीको संयोजकत्वमा शिक्षक अभिभावक संघ गठन गरिएको लोक चेतना एकेडेमीका शिक्षक चन्द्र प्रसाद (सि.पि.)पौडेलले जानकारी दिनुभयो । उक्त कार्यक्रममा उत्कृष्ट विद्यार्थिहरुलाई सम्मान तथा पुरस्कार पनि वितरण गरिएको उहाँले बताउनुभयो ।
जस अन्तर्गत २०७९ सालको कक्षा ८ को जिल्ला स्तरीय परिक्षामा नगर प्रथम हुन सफल लोक चेतना ऐकेडेमीकि छात्रा विनिता रेग्मी , दोश्रो हुने छात्र आशिष भण्डारी र तेश्रो हुने छात्र सिशन शर्मा लाई पुरस्कार प्रदान गरिएको छ । त्यस्तै लोक चेतना एकेडेमीमा अनुशासनमा उत्कृष्ट पुर्व प्राथमिक तहमा एल.के.जी. की छात्रा स्वनिका पोख्रेल , प्राथमिक तहमा छात्रा सृष्टि चौधरी , माध्यामिक तह कक्षा १० सम्ममा कक्षा ८ का छात्र नरेन्द्र राउत त्यसै गरि सरसफाई तर्फ पुर्व प्राथमिक तहमा स्यारोन पुन , प्राथमिक तहमा युनिसा कालाथोकि र माध्यामिक तह कक्षा १० सम्ममा रुपा वि.एम. लाई पुरस्कार वितरण गरिएको पनि शिक्षक पौडेलले जानकारी दिनुभयो ।
यो संगै ९७ दशमलब २ प्रतिशत अंक प्राप्त गरि विद्यालय प्रथम हुन सफल कक्षा १ कि छात्रा ऋतु रोकाय र २०७९ सालको उत्कृष्ट विद्यार्थि पुरस्कार कक्षा १० का छात्र अच्युत शर्मालाई प्रदान गरिएको पनि उहाँले बताउनु भयो ।
बिधालयका शिक्षक मेघराज श्रेष्ठकाे स्वागत मन्तब्यबाट सुरू भएकाे उक्त कार्यक्रममा विभिन्न अभिभावकले समय सन्दर्भ मन्तब्य राख्नु भएकाे थियाे। बिधालयका प्रिन्सिपल मधुसुदन अधिकारीले अभिभाबकबाट आएका गुनासाहरूकाे जबाफ दिनु भएकाे थियाे। बिधालयकाे शैक्षिक प्रगति विवरण पनि मन्तब्यमा राख्नु भएकाे थियाे।
छैटाै शिक्षक अभिभावक सङ्घकाे नयाँ नेतृत्वमा स्वर्गद्वारी नगरपालिका वडा न.३निवासी टिकाराम भण्डारीकाे नेतृत्वमा ११ सदस्यीय सर्बसम्मत चयन हुनु भएकाे छ। सबै पदाधिकारीहरूलाई बधाई बिधालय सञ्चालक समितिका अध्यक्ष राम प्रसाद श्रेष्ठ र प्रिन्सिपल मधुसुदन अधिकारीले दिनु भएकाे थियाे।
लोक चेतना एकेडेमी विद्यालय व्यवस्थापन समितीका अध्यक्ष राम प्रसाद श्रेष्ठको अध्यक्षतामा सम्पन्न भएको शिक्षक अभिभावक संघ पुनर्गठन तथा उत्कृष्ठ विद्यार्थि पुरस्कार वितरण कार्यक्रममा प्रमुख अतिथि जिल्ला समन्वय समितिका सदस्य इन्द्र बहादुर खडका तथा अतिथि स्वर्गद्धारी नगरपालिका वडा नं. ४ का निवर्तमान वडा अध्यक्ष सुरेन्द्र हमाल , उद्योग वाणिज्य संघ स्वर्गद्धारी नगर बजार क्षेत्रका अध्यक्ष पशुपति श्रेष्ठ हुनुहुन्थ्यो । कार्यक्रमकाे सहजिकरण विद्यालयका शिक्षक चन्द्र प्रसाद (सि.पि.)पौडेलले गर्नुभएको थियोे ।
