बबिता रिजाल
साउन१७ , प्युठान
स्वर्गद्वारी नगरपालिकाले नयाँ प्रमुख प्रशासकिय अधिकृत पाएको छ । आज बुधबार एक कार्यक्रमका विच स्वर्गद्वारी नगरपालिकाको सातौँ प्रमुख प्रशासकिय अधिकृतको रुपमा मोहन पौडललाई भव्य स्वागत गरीएको हो । यस अघि छैटौँ प्रमुख प्रशासकिय अधिकृत तुल्सीराम गैरे हुनुहुन्थ्यो । उहाँ उमेर हदका कारण अनिवार्य अवकाशमा जानुभएको छ । यो संगै नयाँ जोस जाँगरका साथ नगरपालिकामा आउनुभएका पौडलले नगरपालिकामा सुशासन , जवाफदेहिता र पारदर्शिता कायम राख्ने र विकास निमार्णको क्षेत्रमा पनि प्रगति गर्दै जाने नगरबासीले आशा राखेका छन् । आजको स्वागत सहित काम पनि स्वागत योग्य गर्न नगबासीले आग्रह गरेका छन् ।
नयाँ प्रमुख प्रशासकिय अधिकृत मोहन पौडलले स्वागत कार्यक्रमलाई धन्यावाद दिदै अब स्वर्गद्वारी नगरपालिकाका जनताको इच्छा चाहाना अनुरुप काम गरी नगरपालिकालाई एक सफल र समृद्ध नगरपालिकाका रुपमा चिनाउन आफु दृढताका साथ अगाडि बढ्ने प्रतिवद्धता व्यक्त गर्नुभयो । स्वागत कार्यक्रममा बोल्दै उहाँले भन्नुभयो “ राज्यले कर्मचारीमा गुण खोज्छ , त्यसैले हामी आफ्नो काममा चाहिँ बफादार हुनुपर्छ , कर्मचारी जवाफदेही हुनपर्छ , कर्मचारीमा उर्जा हुनुपर्छ , त्यहि उर्जा बोकेर आएको छु । अब नगर प्रमुख , उप प्रमुख संग सहकार्य गर्दै अगाडि बढ्ने छु र जनप्रतिनिधि लाई सगाउँदै जनताको मर्म अनुसार काम गर्ने छु ।”
स्वर्गद्वारी नगरपालिका नगर प्रमुख टेक प्रसाद भण्डारीले स्वर्गद्वारी नगरपालिकाले नयाँ प्रमुख प्रशासकिय अधिकृत पाएकोमा खुसी व्यक्त गर्नु भयो । उहाँले सिक्दै सिकाउँदै जनताको माझमा जनतालाई सेवा पुर्याउन लागी पर्ने बताउनु भयो । यस्तै नगर उप प्रमुख मिनराज राना मगरले पनि नयाँ प्रशासकिय प्रमुख पौडेललाई स्वागत गर्दा निकै खुसी भएको सुनाउनु भयो । साथै स्वर्गद्वारी नगरपालिकाले निकै अनुभवि तथा अरु भन्दा फरक प्रसाशकिय प्रमुख पाएको र सुशासनको मर्म अनुरुप मिलेर अगाडि बढ्ने बताउनु भयो ।
स्वर्गद्वारी नगरपालिकामा पहिलो कार्यकारी प्रमुखको रुपमा हिमलाल पोख्रेल हुनुहन्थ्यो । यसैगरी दोश्रो र छैटौँ प्रमुख प्रशासकिय अधिकृत तुल्सीराम गैरे हुनुहन्थ्यो । तेश्रो प्रेम प्रसाद आचार्य , चौथो बोम बहादुर के सी र पाँचौँ थानेस्वर भण्डारी हुनुहुन्थ्यो भने अहिले सातौ प्रशासकिय अधिकृत मोहन पौडेलको आगमन भएको हो ।
