प्यूठान,७ चैत । नेपाली कांग्रेसका पुर्ब सभापति एवम् शान्ति प्रकृयाका नायक गिरीजा प्रसाद कोईरालाको १४ ओैँ स्मृति दिवसको अवसरमा उहाँ राजाीतिक जीवनका बिषयमा अन्तरकृया गरिएको छ ।
नेपाली कांग्रेस प्यूठान र नेपाल प्रेस युनियन प्यूठानको आयोजनामा प्यूठान नगरपालिका ७ स्थित शैक्षिक भवनमा भएको कार्यक्रममा प्रमुख अतिथि रहनु भएका लुम्बिनी प्रदेशका उद्योग तथा यातायात मन्त्री सरोज थापा(रोज राणा)ले स्व.गिरीजा प्रसाद कोईराला प्रति श्रद्धा ब्यक्त गर्दै कांग्रेस प्यूठानलाई सुदृढ बनाउन पाटीका सबै तहहरु परिचालित हुन आग्रह गर्नुभयो ।
यस्तै कार्यक्रममा बोल्ने नेताहरुले स्व. कोईरालाको योगदानको चर्चा गर्दै श्रद्धा व्यक्त गरे । नेपाली कांग्रेस लुम्बिनी प्रदेश सदस्य तथा प्यूठानका पुर्ब सभापति शुवास केसीले जनप्रतिनिधि र कार्यकर्ता एवम् जनता बिच बितृष्णा बढ्दै गएकाले सबै पक्ष बिचमा राम्रो सम्बन्ध हुन आवस्यक रहेको बताउनुभयो । यस्तै प्यूठान कांग्रेसका पुर्ब सभापति एवम् लुम्बिनी प्रदेश समितिका सदस्य अमर प्रसाद भण्डारीले पाटीका जुनसुकै तहमा जिम्मेबार पदमा रहेका नेता तथा कार्यकर्ताले पाटी, संघ संगठनका गतिबिधिमा अनिबार्य हुनु पर्ने र अनुशासन पुर्बक काम गर्नु पर्नेमा जोड दिनुभयो ।
यस्तै कांग्रेस प्यूठानका उप सभापति हुकुम बहादुर बिष्टले गिरीजा प्रसाद कोईराला र प्यूठानको बिचको ऐतिहाँसिक पृष्ठभुमिबारे चर्चा गर्नुभयो । यस्तै कार्यक्रमको ओैतित्यबारे कांग्रेस प्यूठान सभमपति बिष्णु कुमार गिरीले प्रष्ट पार्नभएको थियो ।
कार्यक्रममा कांग्रेसका विभिन्न तहका पदाधिकारी, सदस्यहरु, केही जन प्रतिनिधिहरु, भातृ तथा शुवेच्छुक संगठनका प्रमुखहरु लगायतको उपस्थिति रहेको थियो । कार्यक्रम नेपाली कांग्रेस प्यूठानका सभापति बिष्णु कुमार गिरी र नेपाल प्रेस युनियन प्यूठानका अध्यक्ष मधुसुदन भण्डारीको सञ्चालनमा सम्पन्न भएको हो ।
