प्युठान । वर्षाका कारण भुस्बाङ खोलामा आएको बाढीले प्युठान नगरपालिकाको बुढादेवी र खरिबोट बजार क्षेत्रका १५ घरपरिवार विस्थापित भएका छन् । भने, त्यहाका आठ परिवार उच्च जोखिममा छन् ।
घर डुबानमा परेपछि बिस्थापित भएकाहरुलाई आफन्तको घरमा सारिएको जिल्ला प्रहरी कार्यालय प्युठानका प्रहरी प्रमुख (डिएसपी) ईश्वर थापाले जानकारी दिनुभयो । उहाले बाढी प्रभावित क्षेत्रमा सुरक्षाकर्मी परिचालन गरेर उद्धार कार्य गरिएको समेत बताउनुभयो।
विस्थापित हुनेमा प्युठान नगरपालिका–९ का राम बहादुर जिसी, कृष्ण बहादुर जिसी, डोर बहादुर जिसी, राधा जिसी, अनिता भण्डारी ,हिमाल जिसी, बिष्णा सुनार, देवेन्द्र केसी र गंगालाल बिश्वकर्मा छन् ।
यसैगरी, प्युठान नगरपालिका वडा नम्बर १० का सिर्जनशिल तारा बोर्डिङ स्कुल सहित लिल बहादुर नेपाली, आत्मराम सुनार, हरी बहादुर सुनार, सुर्य बहादुर नेपाली, गिता सुनार, पार्वती सुनारको घर परिवार समेत बिस्थापित भएको प्युठान प्रहरीले जनाएको छ । बाढीले चुदरीखोला,भुस्वाङखोला र दहखोलाको आसपास रहेका सयौं रोपनीमा लागाइएको धानबाली कटान गरि बगाएको छ ।यहाँ गत वर्षदेखि बाढी पस्ने गरेको छ ।
मल्लरानी ४ खलङ्गा पातिहाल्ना बुकेनी सोला हाल्ना हुँदै अर्घाखाँची गुल्मी जोड्ने सडक निर्माण भएदेखि खोलामा बाढी आउन थालेको स्थानीयले बताएका हुन ।
