प्युठान- रोल्पा जिल्लालाई आधार क्षेत्र बनाएर कृयाशिल रहेका सञ्चारकर्मी बलबीर नेपालीको २ बर्षिय छोरा जेनिश नेपालीको देब्रे हातको औंलापट्टीको भाग बिग्रिएको छ ।
उक्त हातमा बारम्बार समस्या देखा पर्ने गरेको आमा मालती घर्तीले बताइन् ।`बाबू गर्भमा रहेछ उ बेला चेकजाँच गर्दा देखिएन ।त्यहि बेला पाठेघरको क्यान्सर हुने खतरा भएको भनेर अस्पतालको सल्लाह अनुसार तुलसीपुर दाङ पुगेर औषधि उपचार गरेँ।पछि मात्रै थाह भयो बाबू गर्भमा रहेछ । सायद त्यतिबेला गरेको औषधि उपचारको असरले हुनसक्छ जन्मजात छोराको देब्रे हात बिग्रिएको थियो´-मालतीले होलेरी खबरसंग भनिन् ।
पछि त्यहि हात दुख्ने गरेको नाबालक छोराले बताउँने गरेको र छालामा पनि फोका उठ्ने जस्ता विभिन्न संक्रमण देखिने गरेको उनले बताइन्।पटकपटक अस्पताल लगेको बखत जेनिसको हातको अप्रेसन गर्नु पर्ने र त्यसका लागि भारत लैजानु पर्ने चिकित्सकहरुले शुझाव दिने गरेको मालतीको भनाई रहेको छ ।रुन्टीगढी ३ निवासी सञ्चारकर्मी नेपालीको दम्पती हाल माइती गाउँ सुनिलस्मृति गाउँपालिका हरिगाउँ रोल्पामा बस्दै आइरहेको उनले बताइन् ।नाबालक छोराको हातको शल्यक्रिया गर्न आवश्यक आर्थिक नहुँदा आफूहरू पिडामा रहेको उनले बताइन्।मेरो श्रीमान पनि मृगौला सम्बन्धि विरामी हुनुहुन्छ।बर्षमा एकपटक अस्पताल चेकजाँच र उपचारका लागि जानू पर्छ´-मालतीले भनिन्-त्यसैमाथि छोराको उपचार गर्न नसक्दा चिन्तित छु ।´
आर्थिक श्रोत जुटाउन आफूले गाउँ-गाउँ पुगेर कस्मेटिक सामाग्री बिक्रि गर्ने गरेको ऊनी बताउँछिन्।यद्यपि हालसम्म पैसो जम्मा हुन नसकेको दुखेसो पोखिन्।
सञ्चारकर्मी बलबीर नेपाली अनलाइन पत्रकारीता गर्छन् ।जसोतसो कमाएको पैसोले घर परिवार र जिबिका चलाउन मै खर्च हुने हुँदा छोराको उपचार गर्न नसकिरहेको दु:ख सुनाए ।म पनी केहि बर्ष पहिले मृगौला सम्बन्धि समस्याबाट पीडित भएर सहयोग संकलन गरेरै भारत पुगेर उपचार गरेर बाचेको हुँ´-सञ्चारकर्मी नेपालीले भने-अब पुनः सहयोग मागेरै भएपनि छोराको उपचार गराउनु पर्ने भयो ।थोरै रकमले भारत गएर उपचार गराउन संभव छैन,दु:ख लाग्छ।´
नाबालक छोरा कै उपचारका लागि भनेर सञ्चारकर्मी नेपालीले बिभिन्न गाउँ पुगेर आर्थिक सहयोग पनि मागेको बताएका छन् ।तर संकलन भएको ८/१० हजार रकमबाट छोरालाई उपचार गर्न भारत लैजाने आट गर्न नसकेको उनी बताउँछन्।
रुन्टीगढी ३ नं वडा अध्यक्ष गणेश गिरीले पनि सञ्चारकर्मी नेपालीको नाबालक छोराको उपचारका लागि आर्थिक सहयोग संकलन गर्नूको विकल्प नभएको बताएका छन् ।`सञ्चारकर्मी बलबीर जी मेरै वडावासी हुनुहुन्छ।मैले उहाँलाई नजिकबाट चिन्छु ।संघर्ष गरिरहनु भएको उहाँको छोराको उपचार गर्ने आयश्रोत छैन´-वडा अध्यक्ष गिरीले होलेरी खबरसंग भने ।
नेपाली लामो समयदेखि समाजमा रहेका दुखी पीडितहरुका उद्वारका लागि समाचार तथा सामाग्री प्रशारण गरिदिने सञ्चारकर्मी हुन् ।भएको एकमात्र नाबालक सन्तानको उपचारका लागि उनले Balbir Nepali : Prabhu Bank 3217058730500018 खाता नं र इसेवा क्यु.आर.कोड स्वैच्छिक आर्थिक सहयोगका लागि उपलब्ध गराएका छन् ।
