प्युठान, २ असार ।
वनसंग सेलिब्रेटी कार्यक्रम सप्पन्न भएको छ । बास नेपाल प्युठान को आयोजना तथा डिभिजन वन कार्यालय प्युठानको सहयोगमा स्वर्गद्वारी बहुमुखी क्याम्पस बिजुवारमा सप्पन्न भएको हो ।
कार्यक्रममा प्रमुख अतिथि जिल्ला समन्वय समिति प्युठानका प्रमुख धरम बहादुर जिसीले मानिसको जीवनमा वन अपरिहार्य भएकोले वन जोगाउन सबै लाग्नुपर्ने बताउनुभयो । उहाँले वन जोगाउन गरिएको सचेतनामुलक कार्यक्रमको साथै बिरुवा बितरणको संयोजन राम्रो भएको बताउनुभयो । उहाँले आगामी दिनमा यस्तो कार्यक्रम गरि जागरण पैदा गर्नुपर्नेमा जोड दिनुभयो ।
कार्यक्रममा बनका अभियन्ता हेमन्त काफ्लेले नेपालमा रहेका रैथाने बिरुवाको संरक्षण गर्नुपर्नेमा जोड दिनुभयो । उहाँले आफु नि:शुल्क बिरुवा बितरणको अभियानमा लागेको जानकारी दिदै पिपल, सित्तल चिनि, कल्पबृक्ष जस्ता बिरुवाले मानिस र वातावरणलाई धेरै फाईदा पुर्याउने बताउनुभयो ।कार्यक्रमम बास नेपालका केन्द्रीय अध्यक्ष लुना बुढाथोकीले बास नेपालले लुम्बिनी प्रदेशका सबै जिल्लामा यस्तो कार्यक्रम गर्दै आएको जानकारी दिनुभयो ।
डिभिजन वन कार्यालय प्युठानका प्रमुख शंकर प्रसाद गुप्ताले जिल्लामा पहिलो पटक यस्तो प्रकारको कार्यक्रम गरिएको जानकारी दिनुभयो । उहाँले वनको महत्त्वबारे सर्वसाधारणलाई जानकारी गराउन कार्यक्रमले भुमिका खेल्ने उहाँको भनाई छ ।
कार्यक्रममा निशुल्क बिरुवा बितरण गरिएको थियो । कलाकार पुर्णकला बिसी सहित प्युठान आईडलका कलाकारको प्रस्तुति रहेको थियो ।
बास नेपाल प्युठानका अध्यक्ष जुमान सिंह केसीको अध्यक्षतामा भएको कार्यक्रमको स्वागत डिभिजन बन कार्यालय प्युठानका सहायक बन अधिकृत दिपक केसीले गर्नुभएको थियो । कार्यक्रमको संचालन लोकेन्द्र सुनारले गर्नुभएको थियो ।
