मंसिर २५, प्यूठान
झइन्द्र भण्डारी
प्यूठानको स्वर्गद्वारी नगरपालिकामा रहेको नगर स्तरीय महिला संजालले लैङ्गिक हिंसा विरूद्ध थालेको सचेतना कार्यक्रमलाई आज सोह्रौ दिनको दिनमा एक कार्यक्रम बिच सम्पन्न गरेको छ ।
“हामी सबैको प्रतिबद्धता : लैङ्गिक हिंसा अन्त्यका लागि ऐक्यबद्धता ” भन्ने मुल नाराको साथमा सञ्चालन भएको लैङ्गिक हिंसा विरूद्धको १६ दिने अभियान अन्तर्गत नगरपालिकाका विभिन्न बस्तीहरूमा सञ्चालन भएको कार्यक्रमको अन्तिम दिनको अवसरमा आज स्वर्गद्वारी नगरपालिकामा र्यालिसहित एक कार्यक्रमबिचमा सम्पन्न भएको महिला शाखा प्रमुख निमा डागीले जानकारी दिनुभयो ।
महिला , बालबालिका , अपाङ्गता तथा जेष्ठ नागरिक शाखा स्वर्गद्वारी नगरपालिकाको आर्थिक सहयोग र नगर स्तरीय महिला सञ्जालको आयोजनामा सम्पन्न भएको कार्यक्रममा जनप्रतिनिधि , कर्मचारी , प्रहरी तथा अन्य सरोकारवालाहरूको उपस्तिथि रहेको थियो ।
महिला सञ्जालकी सदस्य सजना श्रेष्ठले १६ दिने कार्यक्रमको प्रतिवेदन प्रस्तुत गरिएको उक्त कार्यक्रममा विभिन्न वक्ताहरूले आ आफ्नो मन्तव्य प्रस्तुत गरेका थिए ।
आर्थिक वर्ष २०८०/०८१ को लैङ्गिक हिंसाका घटनाहरूको विवरण , हिंसा हुनुको मुख्य कारण , समस्या तथा समाधानका उपाय र हालसम्म गरिएका प्रयासहरू समेत प्रस्तुत भएको प्रतिवेदन अनुसार अघिल्लो आर्थिक वर्षमा १०१ र अहिलेको आर्थिक वर्षमा हालसम्म ३३ ओटा महिला हिंसाका घटना भएको उल्लेख छ ।
राजनीतिको धारमा महिला भए पनि नेतृत्वमा महिला नहुनु , तुलनात्मक रुपमा पुरूषभन्दा महिला हिंसा हुनु , अन्धविश्वास र परम्परागत मान्यतामा आधारित समाज हुनु यी कुरा नै महिला हिंसाका मुख्य कारण हुन भन्ने प्रतिवेदनमा उल्लेख छ ।
नगर स्तरीय महिला संजालकी सचीव लक्ष्मी आचार्यको सहजीकरण रहेको उक्त कार्यक्रममा संजालकि अध्यक्ष निशा मगरको अध्यक्षता तथा नगरप्रमुख टेक प्रसाद भण्डारीको प्रमुख आथित्यता रहेको थियो ।
