विजयनगरमा गन्धर्व समुदायका लागि सारङगी बजाउने तालिम सुरु

२०८० जेष्ठ ३०
प्युठान नगरपालिका वार्ड नम्बर ३ बिजयनगरमा १० दिने सारंगी बजाउने तालिम सुरु भएको छ। पुर्ख्यौली बाजा लोप हुने चिन्ता बढ्न थालेका बेला प्युठान नगरपालिकाको आर्थिक सहयोगमा गन्धर्व समाज नेपालले विजयनगरको कुवापानीमा सारंगी बजाउने तालिम सुरु गरेको हो। प्युठान नगरपालिका वार्ड नम्बर ३ का वडा अध्यक्ष सुमनराज श्रेष्ठले तालिमको उद्दघाटन गर्नुभयो। उद्घाटन कार्यक्रममा गन्धर्व समुदायको पहिचान सारंगी बजाउने पेशालाइ कायम राख्न सबै लाग्नुपर्ने बताउदै तालिमले संस्कृतिको संरक्षणमा महत्वपूर्ण भूमिका निर्बाह गर्ने अध्यक्ष श्रेष्ठले बताउनुभयो।
लोपोन्मुख गन्धर्व समुदायको संस्कृतिलाई जगेर्ना गरि नया पुस्तामा हस्तान्तरण गर्ने उदेश्यसहित तालिमको संचालन गरिएको गन्धर्व समाज नेपाल प्युठानले जनाएको छ। गन्धर्व समाज नेपाल प्युठानका अध्यक्ष धुर्व गन्धर्व र सचिव अर्जुन गन्धर्व तालिमको प्रशिक्षक रहनुभएको तालिमको पहिलो दिनमा १२ जना प्रशिक्षार्थी रहेका थिए।