नेकपा एमाले स्वर्गद्वारी नगर कमिटिद्वारा स्वर्गद्वारी नगरपालिकालाई ध्यानाकर्षण पत्र

बबिता रिजाल प्युठान,७ असार ।नेपाल कम्युनिष्ट पार्टि (नेकपा) एमाले स्वर्गद्वारी नगर कमिटिले स्वर्गद्वारी नगरपालिकालाई ध्यानाकर्षण पत्र बुझाएको छ । विहिबार नेकपा एमाले स्वर्गद्वारी नगर कमिटिका अध्यक्ष रामप्रसाद श्रेष्ठ सहितको टोलिले स्वर्गद्वारी नगरपालिकाका नगर प्रमुख टेक प्रसाद भण्डारीलाई १९ बुँदे ध्यानाकर्षण पत्र बुझाएको हो ।
वर्तमान परिपेक्षमा संघ , प्रदेश र स्थानिय तिनै तहले बजेट ल्याउदै गर्दा विभिन्न विवादास्पद कुरा आएको र स्वर्गद्वारी नगरपालिकामा पनि आगामी आर्थिक बर्ष २०८०।०८१ को निति तथा कार्यक्रमको बजेट विनियोजन हुदै गर्दा केन्द्र सरकारको जस्तै हर्कत देखाउने प्रवृत्तिलाई अन्त्य गर्ने माग राख्दै नगर कमिटिले नगरपालिकालाई ध्यानकर्षण गराएको हो ।
ध्यानाकर्षण पत्रमा स्वर्गद्वारी नगरपालिकामा बलियो विपद् व्यवस्थापन कोष स्थापना गर्नपर्नेु, डि.पि.आर. का काम ठाडो आदेश अनुसार नगरी नगरवासीको आबश्यकता अनुसार गर्नुपर्ने , आवधिक योजना निर्माण गर्दा पनि ठाडो आदेश द्धारा नगरी सुचना प्रकाशन गरि प्रतिष्प्रर्धाबाट गर्नुपर्ने , जग्गाको मुल्य निर्धारण र व्यवसायिक कर जनभावना अनुसार निर्धारण गर्नुपर्ने , स्थानिय सरकारले जग्गा वर्गिकरण गर्नुपर्ने , नगरपालिकाले दमकल, टिप्पर, रोलर र जे.सि.वी. खरिद गर्नुपर्ने लगायतका सेवाहरुको माग गरिएको छ ।
ध्यानाकर्षण पत्र बुझ्दै स्वर्गद्वारी नगरपालिकाका नगर प्रमुख टेक प्रसाद भण्डारीले नगरपालिकाको सुशासन, जवाफदेहिता र पारदर्शितामा नेकपा एमालेले देखाएको चासो तथा दिएको सल्लाह सुझाव प्रति खुसि भएको र सोहि अनुसार नै आफुहरु अगाडि बढ्ने प्रतिबद्धता व्यक्त गर्नु भयो । साथै उहाँले आगामी दिनहरुमा पनि यस्तै सकारात्मक सल्लाह सुझाव दिई समृद्ध स्वर्गद्वारी नगरपालिका निर्माणमा सहयोग गर्न आग्रह गर्नुभयो ।