जोगिन्द्र मल्ल
७ असार, प्युठान । गौमुखी गाउँपालिकाको आयोजनामा बिपद पुर्ब तयारी तथा प्रतिकार्य योजना निर्माण सम्बन्धि कार्यशाखा गोष्ठी सम्पन्न भएको छ।
सम्पन्न कार्यशालाले गौमुखी गाउँपालिकामा हुने बिपदलाई कसरी न्यूनीकरण गर्न सकिन्छ भनेर ८ वटा कलस्टरको विषयमा समिक्षा गरिएको थियो ।तत्काल उद्दार ,राहत र पुनः स्थापना लगायतको क्षेत्रमा चासो दिनु पर्ने सहभागीहरुको भनाइ थियो।
कार्यशालामा प्युठानका प्रमुख जिल्लाका अधिकारी मदन कोइरालाले गाउँपालिका स्तरमा बिपद बाट हुने समस्या समाधानका लागि स्थानीय स्वम् सकृय हुनु पर्ने र स्थानीयहरु तत्काल उद्दारमा लाग्दा बिपद न्यूनीकरण समयमा समाधान हुने बताउनुभयो। उहाले बिपद सम्बन्धि योजना बनेमा बिपद कार्य गर्न सहज हुने समेत बताउनुभयो।
तेसै गरि प्रमुख अतिथी जिल्ला समन्वय समिति प्युठानका उपप्रमुख दुर्गा रेग्मीले बिपद जति बेला नि आउन सक्ने भएकोले गौमुखी गाउँपालिकाले राम्रो कामको सुरुवात गरेको बताउनुभयो। उहाले भन्नुभयो,` प्रायजसो गौमुखीमा च्टयाङ्ग ,बादी पहिरो र आगालागीले क्षेती गर्ने हुँदा बिपद प्रतिकार्य योजना अति आवस्यक छ ।´
कार्यक्रमको समापन गर्दै गौमुखी गाउँपालिका अध्यक्ष बिष्णु कुमार गिरीले बिपद प्रतिकार्य योजना निर्माण भइसके पछि काम गर्न सहज हुने, गाउँ बस्तीमा बाढि पहिरो, आगालागी, चट्याङ लगायत आपद बिपदमा र महामारी जस्ता कार्यमा सबैले हातेमालो र सहकार्य समन्वय, सहयोग गर्नु पर्ने बताउनुभयो । कार्यशाला गोष्ठीको सहजीकरण बिपद पुर्ब ब्यबस्थापन तथा प्रतिकार्य योजना निर्माणका बिज्ञ तथा पत्रकार महासंघ प्युठानका अध्यक्ष सन्जय रिजालले गर्नुभएको थियो ।
