प्यूठान । जिल्लाको प्यूठान नगरपालिका ८ धर्मावतीकि पबित्रा जिसी प्यूठान नगरपालिकाको पुर्ब कार्यपालिका सदस्य हुनुहुन्छ । उहा अहिले करिब ६५० महिलाहरु सदस्य रहेको धर्मावती महिला बचत तथा ऋण सहकारी संस्थाको नेतृत्व गर्दै सिंचाई अभावका कारण बाँझोमा परिणत हुन लागेका पाखो बारीमा महिलाहरुलाई हलेदो(बेसार) खेतीमा प्रोत्साहित गर्दै आउनुभएको छ ।
महिलाहरुले उत्पादन गरेको हलेदोलाई बेसार बनाएर बजारमा मार्केटिङ गर्न अब उनिहरुलाई कुनै बाधा पुग्ने छैन । बेसार प्रशोधन गर्नका लागि जापान सरकारको जिडिपी कार्यक्रम मार्फत १ करोड लागानीमा अत्याधुनिक वेसार प्रशोधन प्लान्ट जडान भएको छ । जिडिपी कार्यक्रमले १ करोड लागानी गरि बिचिन्न १० उपकरण सहित उक्त प्लान्ट सञ्चालनमा ल्याएपछि सहकारीका महिलाले खुसी हुँदै जापान सरकारलाई धन्यवाद दिए ।
मंगलबार जापानी राजदुत प्यूठानको गेजवाङ पुगेर अत्याधुनिक बेसार उद्योगको उद्घाटन गरि प्यूठान नगरपालिका संरक्षक हुने गरि हस्तान्तरण समेत गर्नुभएको छ । जापानी राजदुत किक्युटा युटाकाले उद्योग हस्तान्तरण गर्दै भन्नुभयो,“न्यून आय भएका महिलाहरु आफ्नो बारिमा बेसार खेति गर्नेछन् र गुणस्तरिय बेसार बनाई राम्रो जिविकोपार्जन गर्नेछन् ।´´ राजदुत युकाटाले उक्त परियोजनाले उच्च गुणस्तरीय बेसार उत्पादन गर्ने र किसानहरुको आर्थिक सामाजिक एवम् शैक्षिक सशक्तीकरण हुने र नेपाल र जापान बिचको सम्बन्ध समेत थप बलियो हुने बिश्वास व्यक्त गर्नुभएको छ । उहाले भन्नुभयो, ` प्रतिदिन १ डलर महिलाहरुले आम्दानी गर्नेछन् ।´´ उहाले प्यूठान नगरपालिका बेसार खेतिकालागि हावापनी र माटो उपयुक्त रहेको आफ्नो बुझाईरहेकोले करिब ६ सय ५० घरधुरीले यश प्रशोधन केन्द्रबाट लाभ लिने बताउनुभयो ।
धर्मावती महिला बचत तथा ऋण सहकारीकी अध्यक्ष पबित्रा जिसीले राजदुतको विश्वासलाई आत्मसात गरि ग्रामिण तहका बिपन्न महिलाहरुको बाँझो जमिनको सदुपयोग हुने उनिहरु स्वरोजगार भएर आयआर्जनमा सहकारी साझेदार बन्ने प्रतिबद्धता गर्नुभएको छ।
