सागर रिजाल
प्युठान,३ पुस ।
ऐरावती गाउपालीकामा युवा परिषद गठन भएको छ । ऐरावती गाउपालीकाको आयोजना तथा कालीका विकास केन्द्र नेपाल सिड्सको सहयोगमा गाउपालीका स्तरिय युवा परिषद गठन गरिएको ऐरावती गाउँपालिकाका अध्यक्ष नविल बिक्रम शाहले जानकारी दिनुभयो ।
ऐरावती गाउपालीकाका अध्यक्ष नबिल बिक्रम शाहको अध्यक्षतामा भएको कार्यक्रममा प्रमुख अतिथि यूवा परिषद लुम्बीनी प्रदेशका कार्यकारी उपाध्यक्ष गोवीन्द बहादुर खत्रीको रहेको थियो । कार्यक्रममा बोल्दै कार्यक्रमका प्रमुख अतिथी गोविन्द बहादुर खत्रीले स्थानिय तहहरुले युवा लक्षित कार्यक्रमलाई प्रथमिकता दिएर निती निर्माण गर्नुपर्ने बताउनु भयो । युवा बिहिन बन्दै गएका गाउँहरुमा बिभिन्न योजना, कार्यक्रम तथा निती निर्माण गरेर बिदेशीने युवालाई गाउँमै रोजगारीको वातावरण शृजना गर्नुपर्ने बताउनु भयो ।
यस्तै कार्यक्रमका अध्यक्ष तथा ऐरावती गाउँपालिकाका अध्यक्ष नविल बिक्रम शाहले कार्यक्रम सञ्चानल गर्न युवाहरु आफै जागरुक भएर लाग्नुपर्ने र त्यस्ता युवाहरुको साथमा गाउँपालिका रहेको बताउनु भयो । ऐरावती गाउँपालिकामा युवाहरुका लागी प्रदेश सरकारले लगानी गर्न चाहे त्यसको ५० प्रतिशत लगानी गाउँपालिकाबाट हुने गाउँपालिका अध्यक्ष शाहले बताउनु भयो ।
कार्यक्रममा लुम्वीनी प्रदेश युवा परिषदका सदश्य सरोज खनालले युवाहरुका लागी कार्यक्रमको आयोजाना गर्दा युवा शसक्तिकरण, युवाको नेतृत्व बिकास र उद्यमशिलतामा युवा परिषद लाग्नुपर्ने सुनाउनु भयो । यृुवाका समस्यालाई केन्द्रमा राखेर स्थानिय तहहरुले कार्यक्रम सञ्चालन गर्नुपर्ने र त्यसमा प्रदेशले साथ दिने बताउनु भयो ।
प्यूठान जिल्लामा ऐरावती गाउँपालिकामा पहिलो पटक युवा परिषदको गठन गरिएको हो । गाउँपालिका अध्यक्ष नबिल बिक्रम शाहको अध्यक्षतामा गठन भएको परिषदको उपाध्यक्षमा दुर्गा सुनार र सदश्यहरुमा सरिला गुरुङ , करिस्मा बि.क लगाएत १५ सदस्यीय परिषद गठन गरिएको छ ।
