प्युठान,१४ फाल्गुन ।
प्यूठान नगरपालिका ३ साडेखोलामा गाडिको ट्रायल सेन्टर सञ्चालमा आएको छ । नेपाल खाद्य संस्थानको जग्गा भाडामा लिएर व्यवसायी सुरज घर्तिले गाडि तथा मोटरसाइकल ट्रायल सेन्टरको सञ्चालन गर्नुभएको हो । ट्रायल सेन्टर उद्घाटन कार्यक्रमका प्रमुख अतिथि प्यूठान नगरपालिका वडा नं ३ का वडा अध्यक्ष तथा प्युठान नगरपालिकाका प्रबक्ता सुमन श्रेष्ठले सबै नागरिकलाई सिप सिकेरमात्र सबारि साधन चलाउन अनुरोध गर्नुभएको छ । उहाँले जिल्लामै पहिलो पटक सञ्चालनमा आएको यस सेन्टरको व्यावसायीक सफलताको सुभकामना दिँदै जग्गा भाडामा दिन सहयोग गर्नुहुने प्रति धन्यबाद व्यक्त गर्नुभयो ।
कार्यक्रममा उहाँले लुम्बिनी प्रदेशका उद्योग तथा यातायाम मन्त्री सरोज थापाले यातायातको कार्यालय प्यूठानमै सार्न लागेको अवस्थामा यस सेन्टर सञ्चालमा आउनुले प्यूठान नगरपालिका वडा नं। ३ लगायत जिल्लाकै सबै क्षेत्रका व्यवसायहरु चलायमान हुने बिश्वास व्यक्त गर्नुभयो । त्यस्तै लायन्स क्लब अफ प्यूठानमा अध्यक्ष झपेन्द्र शर्माले बिगतका दिनमा गाडि सिक्न र ट्रायल दिन बुटवल, नेपालगंग, तुल्सिपुर लगायतका ठाँउहरुमा जानुपर्ने बाध्यता हटेको बताउनुभयो । साथै यसबाट नागरिकले व्यहोर्नुपरेको अनाबश्यक झंझट र खचमा पनि धेरै नै राहत हुने बिश्वास व्यक्त गर्नुभयो ।
उदघाटन कार्यक्रमको समापन गर्दै व्यबसायी तथा ट्रायल सेन्टरका प्रोपराइटर सुरज घर्तिले प्यूठान सहित रोल्पा, गुल्मिी, अर्घाखाँची लगायतका जिल्लाबासीले पनि सिप सिक्न र सस्तो र भरपर्दो भएर मात्र सवारी साधन चलाउन अनुरोध गर्नुभएको छ ।
