सागर रिजाल
प्युठान,२९ चैत ।
व्यक्तिगत घटना दर्ता सप्ताहको पूर्वसन्ध्यामा अभिमुखीकरण कार्यक्रम सम्पन्न भएको छ । ऐरावती गाउँपालिका सामाजिक सुरक्षा तथा पंजिकरण सेवा इकाई बरौला प्युठानको आयोजना तथा नेपाल सरकार गृह मन्त्रालय राष्ट्रिय परिचयपत्र तथा पंजिकरण विभागकोे सहयोगमा उक्त कार्यक्रम गरिएको हो । २०८१ साल बैशाख १ गतेदेदखि ७ गतेसम्म संचालन हुने व्यक्तिगत घट्ना दर्ता सप्ताहको पूर्वसन्ध्यामा अभिमुखिकरण कार्यक्रम आयोजना गरिएको हो ।
गाउँपालिकाका अध्यक्ष नविल विक्रम शाहको अध्यक्षतामा भएको कार्यक्रममा गाउँपालिकाका प्रमुख प्रशासकीय अधिकृत हिमलाल विश्वकर्मा, वडा अध्यक्षहरु, वडा सचिव तथा शाखा प्रमुखहरुको उपस्थिती रहेको थियो ।
कार्यक्रममा अध्यक्ष शाहले व्यक्तिगत घटना दर्ता समयमै गर्नुपर्ने बताउनुभयो । व्यक्तिगत घटना दर्ता घटना घटेको ३५ दिन भित्र गराएमा निशुल्क हुने हुदा जनस्तरसम्म जानकारी पुर्याउन हामी सबैको भूमिका महत्वपूर्ण हुने बताउनुभयो । उदेश्य अनुरुप घटना दर्ता सप्ताह अभियान अगाढी बढाउन अध्यक्ष शाहले आग्रह गर्नुभयो ।
कार्यक्रममा व्यक्तिको कानुनी पहिचान र राज्यबाट प्रवाह हुने विभिन्न सेवा प्राप्तीका लागि जन्म, मृत्यु , विवाह, बसाइँसराई र सम्बन्ध विच्छेद लगायतका व्यक्तिगत घटनाहरु, घटना घटेको ३५ दिन भित्र आफ्नो वडा कार्यालयमा दर्ता गराउनका लागि आग्रह गरिएको थियो । कार्यक्रममा व्यक्तिगत घटना दर्ता सम्बन्धि प्रस्तुतिकरण पालिकाका सुचना प्रविधि अधिकृत अभियान पोख्रेलले गर्नुभएको थियो ।
सामाजिक सुरक्षा तथा पंजिकरण सेवा इकाईले व्यक्तिगत घट्ना दर्ता सप्ताहको अवसरमा व्यक्तिगत घटना दर्ता सप्ताह सम्बन्धि अभिमुखीकरण कार्यक्रम संगै पालिकाका ६ वटै वडामा सन्देशमुलक ब्यानर टास्ने, पालिका भित्र रहेका माध्यामिक विद्यालयमा अध्ययनरत विद्यार्थीलाई घट्ना दर्ता सप्ताहको महत्वको बारेमा जानकारी गराउने , पालिकाबासीलाई आफ्ना व्यक्तिगत घटना दर्ता गर्न अनुरोध सहितको रेडियो जिंगल समेत प्रशारण गरिएको ऐरावती गाउँपालिका सामाजिक सुरक्षा तथा पंजिकरण सेवा इकाईका प्रमुख एम.आई.एस. अपरेटर सागर रिजालले बताउनभुयो ।
